Sowalif Bel Q8i
بالكويتي .. عن شنو بسولف ؟
عن شنو أفتتح سوالفي ؟ أولاً اللي يقرا كلامي يعرف - منطقياً - إني ما أسولف وايد :)
عشان جي ، راح أتعمد أي ملاحظة أشوفها و ما أقدر أقولها عشان ما أعرض نفسي و الناس حق الإحراج والتزعل باكتبها هني ..
....
راح أقولها بصراحة إذا ما في شي يمنع وان شاء الله مجد يتضايج ،
جربت الهجوم بالمنتديات و المدونات .. خنشوف السوالف والوناسة بالموقع،
بدلـــيات
بدليات وايد تمر علينا . من كثرتها قمت أسمع بدليات مو على كلمة لا على جمل ( جمع جملة ) ولا بدلية قلتها مرة و أنا راده من المطعم حق البيت مع أختي بالسيارة فقفلت خلاص بنام و أنا
أسوق أقولها " أبيه بنوم بطه !! " ولا تسئلوني شنو قصدي من الضحك نسيت شو كنت أبي أقول أصلاً ...
البدليات معاي مشكله اللي يشوف كلامي يعرف ليش . يعني ما أطلع أنا إذا مر اليوم كامل بدون بدلية وحدة . بس الحق ينقال في عضو في منتدى مجلة الديرة الكويتية ماشفت كثر بدلياته. أخاف أقول
اسمه مايرضى . : )
بس جد لانه يكتب بسرعه الظاهر و ما يسوى تحرير حق التعليق اللي يكتبه فدايما في بدلية كلش كلش على كلمة ( شكرا ) .. على طاري تحرير الحجي ما أحب أحرر وايد الكلمات و أرتبها بعد
ما أكتبها عشان جي إذا في كلمة مقروم نصها أو معفوسه طوفوها .